السرية

شكون ينشر كرديلي

Djamil ينشر هاذ الموقع وتطبيق كرديلي. كتبلنا: contact@kerdily.com.

الكارني تاعك يبقى في تيليفونك

الزبائن والأرقام والمبالغ اللي تكتبها في التطبيق يبقاو في تيليفونك. كرديلي ما يوصلوش، ما يشوفهمش، وما يعطيهم لحتى واحد.

التذكيرات يخرجو من الواتساب تاعك، وقتلي تقرر انت.

تسجيل اللي يجرّبو

إذا تسجّلت باش تجرّب، يوصلنا اسمك، رقم الواتساب، الولاية ولغة الصفحة.

نستعملوهم غير باش نعيطولك ونركّبو كرديلي معاك. يوصلونا بالإيمايل عن طريق خدمة إرسال، ونحفظوهم 12 شهر على الأكثر.

نمسحوهم قبل إذا طلبت.

العلامات

العلامات والموزعين اللي راح يعرضو عروضهم في كرديلي عمرهم ما ياخذو المعلومات تاعك ولا تاع زبائنك: غير أرقام بلا أسماء على كل ولاية.

حقوقك

تقدر تطلب تشوف، تصحّح ولا تمسح المعلومات تاعك، حسب القانون رقم 18-07 المؤرخ في 10 جوان 2018 المتعلق بحماية الأشخاص الطبيعيين في مجال معالجة المعطيات ذات الطابع الشخصي. كتبلنا: contact@kerdily.com.